ಈ ಬ್ಲಾಗ್‌ಗೆ ಭೇಟಿ ನೀಡಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮ ಅನಿಸಿಕೆ ತಿಳಿಸಿ ಹಾಗೂ ಮತ್ತೊಮ್ಮೆ ಭೇಟಿ ಕೊಡಿ. ತಮ್ಮೆಲ್ಲರಲ್ಲಿ ಸವಿಜ್ಞಾನ ತಂಡದಿಂದ ಮನವಿ: ಕೋವಿಡ್-19 ರ ಸುರಕ್ಷತಾ ಕ್ರಮಗಳನ್ನು ಅನುಸರಿಸಿ 1)ಕಡ್ಡಾಯವಾಗಿ ಮಾಸ್ಕ್ ಧರಿಸಿ, 2)ವ್ಯಕ್ತಿಗತ ಅಂತರ ಕಾಪಾಡಿಕೊಳ್ಳಿ, 3)ಲಸಿಕೆ (ವ್ಯಾಕ್ಸಿನೇಷನ್) ಹಾಕಿಸಿಕೊಳ್ಳಿ 4)ಸಾಧ್ಯವಾದಷ್ಟು ಮನೆಯಿಂದಲೇ ಕೆಲಸ ನಿರ್ವಹಿಸಿ. 5)ಆಗಾಗ್ಗೆ ಕೈಗಳನ್ನು ಸೋಪಿನಿಂದ ತೊಳೆಯಿರಿ. 6)ರೋಗ ಲಕ್ಷಣಗಳು ಕಂಡುಬಂದ ಕೂಡಲೇ ಪರೀಕ್ಷೆ ಮಾಡಿಸಿಕೊಳ್ಳಿ Prevention is Better Than Cure

Wednesday, February 3, 2021

ನೀರ ಒಲೆ !!!

 ನೀರ ಒಲೆ !!!



ವಿಜಯಕುಮಾರ್‌ ಹುತ್ತನಹಳ್ಳಿ

ಸಹ ಶಿಕ್ಷಕರು

.ಪ್ರೌ.ಶಾಲೆಕಾವಲ್‌ ಭೈರಸಂದ್ರ.

ಬೆಂಗಳೂರು ಉತ್ತರ ವಲಯ  3.


ಕಟ್ಟಿಗೆ ಒಡೆದು ಒಲೆ ಉರಿಸುತ್ತಿದ್ದ ಕಾಲ ಒಂದಿತ್ತು, ಕೈಗಾರಿಕೀಕರಣ, ನಗರೀಕರಣದ ಫಲವಾಗಿ ಮರಗಳೇ ಮಾಯವಾಗುತ್ತಿರುವಾಗ ಇಂದು ಅದು ಸಾಧ್ಯವೂ ಅಲ್ಲ, ಸಾಧುವೂ ಅಲ್ಲಏಕೆಂದರೆ ಕಟ್ಟಿಗೆ ಉರಿಸುವುದು ಮಾಲಿನ್ಯಕಾರಿ,ಜಾಗತಿಕ ತಾಪಮಾನಕ್ಕೂ ಕಾರಣವಾಗುತ್ತದೆ, ಆದ್ದರಿಂದ ನಾವು ಇಂದು ಅಸಾಂಪ್ರದಾಯಿಕ, ಪರಿಸರ ಸ್ನೇಹಿ ಇಂಧನಗಳನ್ನು ಹುಡುಕಿಕೊಳ್ಳಬೇಕಿದೆ.     ದಿಸೆಯಲ್ಲಿ ಹಗಲಿರುಳು ಪ್ರಯೋಗಗಳಲ್ಲಿ ತೊಡಗಿಕೊಂಡಿರುವ ವಿಜ್ಞಾನಿಗಳಿಗೆ ಹೊಸ ಸಾಧ್ಯತೆಯಾಗಿ ಕಂಡದ್ದು ಸಮುದ್ರದ ನೀರು.   ಏನು ?  ನೀರನ್ನು ಇಂಧನವಾಗಿ ಬಳಸುವುದೆ ?  ಎಂದು ಆಶ್ಚರ್ಯಪಡಬೇಡಿಹೌದು ಇನ್ನು ಮುಂದೆ ನೀರನ್ನು ಒಡೆದು ಒಲೆ ಉರಿಸಲು ಸಂಶೋಧನೆಗಳು ಮುಂದುವರೆಯುತ್ತಿವೆ.


ನಮಗೆಲ್ಲಾ ತಿಳಿದಿರುವಂತೆ ನೀರು ಅಂದರೆ H2O ಹೈಡ್ರೋಜನ್ ಮತ್ತು ಆಕ್ಸಿಜನ್‌ ಎಂಬ ಎರಡು ಅನಿಲಗಳು  2:1 ಅನುಪಾತದಲ್ಲಿ ಸಂಯೋಗಗೊಂಡು ಆಗಿರುವ ಒಂದು ಸಂಯುಕ್ತವಸ್ತು. ಇದರಲ್ಲಿನ ಹೈಡ್ರೋಜನ್ಒಂದು ದಕ್ಷ ದಹನಶೀಲ ವಸ್ತುಸಮುದ್ರದ ನೀರಿನ ಬಗ್ಗೆ water water everywhere ! but no water to drink.  ಎಂಬ ಒಂದು ಪ್ರಸಿದ್ಧ ಮಾತಿದೆಹೀಗೆ ಹೇರಳವಾಗಿ ದೊರೆಯುವ ಸಮುದ್ರದ ನೀರು ಕುಡಿಯಲು ಯೋಗ್ಯವಲ್ಲದಿದ್ದರೂ ಹೈಡ್ರೋಜನ್ಆಕರವಾಗಿ ಉಪಯೋಗವಾಗಲಿ ಎಂಬುದು ವಿಜ್ಞಾನಿಗಳ ಆಶಯ.

https://blogger.googleusercontent.com/img/b/R29vZ2xl/AVvXsEj_WiAMaxkC9YlLfAuPs83HO87hJgddHbUG2m36noeuPRo9MajELaFSUWQX2TCEudM4y8hTDvM6PIM0_49xv6gVvtLh8VEhSGy9CMPt0RLyKTk7OTxu7y9sm8IW0zEbLP8AWaRiSKe6GYVb/s1600/wave.PNG


ಅದಕ್ಕಾಗಿ ಆಸ್ಟ್ರೇಲಿಯಾ ಯೂನಿವರ್ಸಿಟಿ ಆಫ್ವೊಲಾಂಗ್ಗಾಂಗ್ ಆಸ್ಟ್ರೇಲಿಯನ್ರೀಸರ್ಚ್ಕೌನ್ಸಿಲ್ಸೆಂಟರ್ಆಫ್ಎಕ್ಸಲೆನ್ಸ್ಫಾರ್ಎಲೆಕ್ಟ್ರೋಮಟೀರಿಯಲ್ಸೈನ್ಸ್(ACES) ವಿಜ್ಞಾನಿಗಳು ಪ್ರಯೋಗ ನಡೆಸಿ ಯಶಸ್ವಿಯಾಗಿದ್ದಾರೆ.  ಪ್ರಸ್ತುತ ತಂತ್ರಜ್ಞಾನದಲ್ಲಿ ಸಮುದ್ರದ ನೀರನ್ನು ರಾಸಾಯನಿಕವಾಗಿ ವಿಭಜಿಸಲು ಹೆಚ್ಚಿನ ಶಕ್ತಿಯ ಅಗತ್ಯವಿದೆ ಅಲ್ಲದೆ ಅದು ವಿಷಕಾರಿ ಕ್ಲೋರೀನ್ಅನಿಲವನ್ನು ಉಪ ಉತ್ಪನ್ನವಾಗಿ ನೀಡುತ್ತದೆ.ಆದರೆ (ACES) ವಿಜ್ಞಾನಿಗಳು ಬೆಳಕಿನ ಸಹಾಯದಿಂದ ಕೆಲಸಮಾಡುವ ವೇಗವರ್ಧಕಗಳನ್ನು ಬಳಸಿ ಕಡಿಮೆ ಶಕ್ತಿಯಿಂದ ನೀರನ್ನು ವಿಭಜಿಸಿ ಹೈಡ್ರೋಜನ್ಅನಿಲವನ್ನು ನೀಡಬಲ್ಲ ತಂತ್ರಜ್ಞಾನವನ್ನು ಕಂಡುಹಿಡಿದಿರುವುದು ಅವರ ಹೆಗ್ಗಳಿಕೆ.

ಆಶ್ಚರ್ಯವೆಂದರೆ ವಿಜ್ಞಾನಿಗಳಿಗೆ ದಾರಿ ತೋರಿಸಿರುವುದೂ ಪ್ರಕೃತಿಯೇ. ಹೇಗೆಂದರೆ ಸಸ್ಯಗಳಲ್ಲಿನ ಪತ್ರಹರಿತ್ತು ದ್ಯುತಿಸಂಶ್ಲೇಷಣಾ ಕ್ರಿಯೆಯಲ್ಲಿ ಇದೇ ರೀತಿ ನೀರನ್ನು ವಿಭಜಿಸಿಕೊಂಡೇ ಆಹಾರವನ್ನು ತಯಾರಿಸುವುದು.ಹಾಗಾಗಿ ವಿಜ್ಞಾನಿಗಳೂ ಕೂಡ ಅದೇ ರೀತಿ ಕೃತಕ ಕ್ಲೋರೋಫಿಲ್ (ಪತ್ರಹರಿತ್ತು) ನ್ನು ವಾಹಕ ಪ್ಲಾಸ್ಟಿಕ್ಹಾಳೆಗಳ ಮೇಲೆ ಬಳಸಿ ನೀರನ್ನು ವಿಭಜಿಸಿ ಹೈಡ್ರೋಜನ್ಪಡೆಯುವ ಮೊದಲ ಹಂತದ ಕಾರ್ಯದಲ್ಲಿ ಯಶಸ್ವಿಯಾಗಿದ್ದಾರೆ.

ಸಂಶೋಧಕ ತಂಡದ ಪ್ರಮುಖ ವಿಜ್ಞಾನಿಗಳಾದ ಪ್ರೊ.ಜುನ್ಚೆನ್ಮತ್ತು ಗೆರ್ರಿ ಸ್ವೀಗರ್ರವರ ಪ್ರಕಾರ ರೀತಿಯ ಕೃತಕ ಪ್ಲಾಸ್ಟಿಕ್ಹಾಳೆಗಳನ್ನು ತಯಾರಿಸುವುದು, ಇಂದು ವ್ಯಾಪಕವಾಗಿ ಬಳಕೆಯಲ್ಲಿರುವ ಅರೆವಾಹಕಗಳ ತಯಾರಿಕೆಗಿಂತಲೂ ಸುಲಭವಂತೆ. ಮತ್ತು ಒಮ್ಮೆ ಸಮುದ್ರದ ನೀರನ್ನು ಹೀಗೆ ಸುಲಭವಾಗಿ ವಿಭಜಿಸಲು ಸಾಧ್ಯವಾದರೆ ಅದರಿಂದ ಇನ್ನೂಅನೇಕ ಉಪಯೋಗಗಳನ್ನು ಪಡೆಯುವುದು ಸಾಧ್ಯ ಎಂಬುದು ಅವರ ಆಭಿಪ್ರಾಯ.

ಹಾಗಾಗಿ ಕೃತಕ ಎಲೆಗಳಂತಹ ಉಪಕರಣಗಳು ಇನ್ನು ಮುಂದೆ ಹೈಡ್ರೋಜನ್ ಅನಿಲದ ಪ್ರಮುಖ ಉತ್ಪಾದಕಗಳಾಗಿ ಬಳಕೆಗೆ ಬಂದರೆ ಆಶ್ಚರ್ಯವಿಲ್ಲ. ವಿಧಾನದಲ್ಲಿ ಕೇವಲ 5 ಲೀಟರ್ಸಮುದ್ರದ ನೀರಿನಿಂದ ಒಂದು ಸಣ್ಣ ಕುಟುಂಬದ ಒಂದು ದಿನದ ಅನಿಲವನ್ನು ಸುಲಭವಾಗಿ ಪಡೆಯಬಹುದು ಅಥವಾ ಒಂದು ಎಲೆಕ್ಟ್ರಿಕ್ಕಾರನ್ನು ಒಂದು ದಿನ ಆರಾಮವಾಗಿ ಓಡಿಸಬಹುದು. ಹಾಗಾಗಿ ನೀರಿನಿಂದ ಬೆಂಕಿ ಪಡೆಯುವುದು ಇನ್ನು ಮುಂದೆ ಯಕ್ಷಿಣಿಯಲ್ಲ.

ಈ ಲೇಖನದ ಪಿ.ಡಿ.ಎಫ಼್. ಫೈಲ್‌ನ್ನು ಡೌನ್‌ಲೋಡ್ ಮಾಡಿಕೊಳ್ಳಲು 

ಇಲ್ಲಿ ಕ್ಲಿಕ್ ಮಾಡಿ 👉 ನೀರ ಒಲೆ

11 comments:

  1. ವಿಜ್ಞಾನದ ಕೌತುಕ.
    ಅಸಕ್ತಿಯುತವಾಗಿದೆ.

    ReplyDelete
  2. ಕುತೂಹಲ ಸೃಷ್ಟಿಸುವ ನಿಮ್ಮ ಲೇಖನವನ್ನು ಓದಿ ತುಂಬಾ ಸಂತೋಷವಾಯಿತು ಅತ್ಯುತ್ತಮವಾಗಿ ಮೂಡಿಬಂದಿದೆ

    ReplyDelete
  3. ಆಸಕ್ತಿದಾಯಕ ಲೇಖನ ಸರ್.

    ReplyDelete
  4. ವಿಜಯ್ ಕುಮಾರ್ ಸರ್
    ತುಂಬಾ ಚೆನ್ನಾಗಿದೆ ನಿಮ್ಮ ಲೇಖನ.
    ಧನ್ಯವಾದಗಳು ಇಂಥಾ ಒಳ್ಳೆಯ ಮಾಹಿತಿಗಾಗಿ.

    ReplyDelete
  5. Hydrogen economy ಎಂದೇ ಕರೆಯಲಾಗುವ ಭವಿಷ್ಯದ ತಂತ್ರಜ್ಞಾನವಿದು.

    ReplyDelete
  6. ಬಹಳ ಕುತೂಹಲದಿಂದ ಓದಿದೆ. ಬಹಳಷ್ಟು ಜನರಿಗೆ ಇದು ಹೊಸ ವಿಷಯ. ಧನ್ಯವಾದಗಳು ವಿಜಯ್ ಕುಮಾರ್ ಸರ್

    ReplyDelete