ವಿಜ್ಞಾನದ ಒಗಟುಗಳು : ನವೆಂಬರ್ 2021

 ವಿಜ್ಞಾನದ ಒಗಟುಗಳು : ನವೆಂಬರ್ 2021

1. ನನ್ನ ಸಮ ಯಾರಿಲ್ಲ ಎಂಬ ಅಹಂ ಏನಿಲ್ಲ.

   ನನ್ನ ಸಮ ಆದರೆ ವಿರುದ್ಧವಾಗಿ ಅವನಿರುವನಲ್ಲ.

   ಗುರುತ್ವದ ಕುರಿತು ಹೇಳಿದಾತನ ಹೆಸರಿನ

   ನಿಯಮಕ್ಕೊಳಪಟ್ಟ, ನನ್ನ ಮತ್ತು ಅವನ ಹೆಸರನು,

   ಮತ್ತು, ಹೇಳಿ ಆ ನಿಯಮ ರೂಪಿಸಿದಾತನ ಹೆಸರನು. 

 

2. ಹೆಸರಿಸಿ ನಮ್ಮನು:

  ಅ) ಕತ್ತರಿಯ ಅಲಗು ಮತ್ತು ಹಿಡಿಗಳ ನಡುವಿನ ಕೋನಗಳು. 

    

  ಆ) ಆಂಗ್ಲ ಭಾಷೆಯ N ಮತ್ತು Z ಗಳಲ್ಲಿ ಉಂಟಾಗುವ ಕೋನಗಳು. 

    

  ಇ) ಫ್ಯಾನ್‌ ನ ಮೂರು ರೆಕ್ಕೆಗಳ ನಡುವಿನ ಕೋನಗಳು. 

    

  ಈ) ನೆಲ ಮತ್ತು ಗೋಡೆಯ ನಡುವೆ ಉಂಟಾದ ಕೋನ. 

    

 

3. ಆರು ಕಾಲುಗಳ ಜೀವಿ ನಾನು

   ನಿಯತಾಕೃತಿಯ ಗೂಡುಗಳಲಿ

   ಹಾರಾಡಿ ಆಹಾರ ತಂದಿಡುವೆನು

   ನಾನ್ಯಾರು ನನ್ನ ಗೂಡಿನ ಆಕೃತಿ ಯಾವುದು. 

ವಿಜಯಕುಮಾರ್‌ ಹುತ್ತನಹಳ್ಳಿ

               ಸಹಶಿಕ್ಷಕ, (ಭೌತವಿಜ್ಞಾನ)

                                     ಸ.ಪ್ರೌ.ಶಾಲೆ. ಕಾವಲ್‌ ಭೈರಸಂದ್ರ. ಬೆಂಗಳೂರು ಉತ್ತರ ವಲಯ -03

ದೇಹ ಬಂಡೆಯಾಕಾರ
ನನ್ನದೊಂದು ಅವತಾರ
ನಾನೊಂದು ಸರೀಸೃಪ
ದೀರ್ಘಾಯುಷಿ ನಾನಪ್ಪ
ನಾನ್ಯಾರೆಂದು ಹೇಳಪ್ಪ 

ರಕ್ತದಲ್ಲಿರುವ ನಾನೊಂದು ಪ್ರೋಟೀನ್‌
ನನ್ನಿಂದಲೇ ರಕ್ತಕ್ಕೆ ಬಣ್ಣ
ನಾನ್ಯಾರು ಹೇಳಣ್ಣ 

ಅಶ್ವದಂತಿರುವೆ ಸ್ತನಿ ನಾನಲ್ಲ
ಮೀನಿನ ವಂಶಜನಾದರೂ ಹುರುಪೆಗಳಿಲ್ಲ
ಮೀನಾದರೂ ನನಗೆ ದೋಣಿಯಾಕಾರದ ದೇಹವಿಲ್ಲ
ನೀರಿನಲ್ಲಿ ನೇರವಾಗಿ ಚಲ್ಲಸಬಲ್ಲೆ ನಾನು
ನಾನ್ಯಾರೆಂದು ಹೇಳುವೆಯಾ ನೀನು?

 

ಸೀಮೆ ಎಣ್ಣೆಯೇ ನನ್ನ ರಕ್ಷಕ
ನೀರೇ ನನಗೆ ಪ್ರಾಣ ಘಾತಕ
ಲೋಹವಾದರೂ ಮೃದು ನಾನು
ಮೃದುವಾದರೂ ಅತೀ ಕ್ರಿಯಾಕಾರಿ ನಾನು
ನಾನ್ಯಾರೆಂದು ಹೇಳು ನೀನು?

ಹಕ್ಕಿಯಂತೆ ನಾ ಹಾರಬಲ್ಲೆ
ಹೂವಿಂದ ಮಧುವನ್ನು ಹೀರಬಲ್ಲೆ
ಹೂವನ್ನು ಕಾಯಿ ಮಾಡಲು ಸಹಕರಿಸಬಲ್ಲೆ
ನಿಮಗೂ ನನ್ನ ಬಣ್ಣಗಳಿಂದ ಮುದನೀಡಬಲ್ಲೆ
ನಾನ್ಯಾರು ನೀ ಹೇಳಬಲ್ಲೆಯಾ?

ನಮ್ಮ ಸಾಮ್ರಾಜ್ಯದಲ್ಲಿ ರಾಣಿಯದೇ ದರ್ಬಾರು
ನಮ್ಮ ಸೈನಿಕರು ಸಹಸ್ರಾರು
ಊರೂರು ಅಲೆಯುವ ಪಾಳೇಗಾರರು
ಮಧುವನು ಹೀರುವ ನಾವ್ಯಾರು?

ರಚನೆ; ಶ್ರೀಮತಿ ನಾಗವೇಣಿ.ಬಿ

ಸಹಶಿಕ್ಷಕಿ, CBZ

KPS ಬಸವನಗುಡಿ

ಉತ್ತರ ಮುಂದಿನ ಸಂಚಿಕೆಯಲ್ಲಿ