ಈ ಬ್ಲಾಗ್‌ಗೆ ಭೇಟಿ ನೀಡಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮ ಅನಿಸಿಕೆ ತಿಳಿಸಿ ಹಾಗೂ ಮತ್ತೊಮ್ಮೆ ಭೇಟಿ ಕೊಡಿ. ತಮ್ಮೆಲ್ಲರಲ್ಲಿ ಸವಿಜ್ಞಾನ ತಂಡದಿಂದ ಮನವಿ: ಕೋವಿಡ್-19 ರ ಸುರಕ್ಷತಾ ಕ್ರಮಗಳನ್ನು ಅನುಸರಿಸಿ 1)ಕಡ್ಡಾಯವಾಗಿ ಮಾಸ್ಕ್ ಧರಿಸಿ, 2)ವ್ಯಕ್ತಿಗತ ಅಂತರ ಕಾಪಾಡಿಕೊಳ್ಳಿ, 3)ಲಸಿಕೆ (ವ್ಯಾಕ್ಸಿನೇಷನ್) ಹಾಕಿಸಿಕೊಳ್ಳಿ 4)ಸಾಧ್ಯವಾದಷ್ಟು ಮನೆಯಿಂದಲೇ ಕೆಲಸ ನಿರ್ವಹಿಸಿ. 5)ಆಗಾಗ್ಗೆ ಕೈಗಳನ್ನು ಸೋಪಿನಿಂದ ತೊಳೆಯಿರಿ. 6)ರೋಗ ಲಕ್ಷಣಗಳು ಕಂಡುಬಂದ ಕೂಡಲೇ ಪರೀಕ್ಷೆ ಮಾಡಿಸಿಕೊಳ್ಳಿ Prevention is Better Than Cure

Friday, June 4, 2021

ವಿಜ್ಞಾನದ ಒಗಟುಗಳು - ಜೂನ್ 2021

 

1.      ನನಗೋ ಹಸಿರು ಅನಿಲದ ಒಲವು

ಈಗ ನನ್ನೊಳಗೋ ಎಲೆಕ್ಟ್ರಾನ್ ಗಳಿಗಿಂತ ಹೆಚ್ಚು ಪ್ರೋಟಾನುಗಳು

ಅವುಗಳಿಗಿಂತ ಹೆಚ್ಚು ನ್ಯೂಟ್ರಾನುಗಳು

ನಮ್ಮಿಬ್ಬರ ನಡುವಿನ  ನಂಟೋ  ಪ್ರಬಲ

ಮ್ಮ ರುಚಿ ಮರೆ ಜನ ಇರಲಾರರು

ಬಿಡಿಸ ಬಲ್ಲಿರೋ ಈ ಚತುರ ಸಿಕ್ಕು?

 

2.  ನನ್ನೊಳು ಅಡಗಿವೆ ಎರಡು ಮುಖ್ಯ ಭಾಗಗಳು.

ಒಂದರ ಮೊಗವೋ ಆಗಸದತ್ತ

ಇನ್ನೊಂದಕೋ ಭೂಮಿಯನ್ನೇ ಬಗೆವ ಉತ್ಸಾಹ

ಸೂಕ್ತ ಅನುಕೂಲ ದೊರೆತಲ್ಲಿ ಮೊಳೆವೆ ನಾ ತ್ರಿವಿಕ್ರಮನಂತೆ

ಆದರೆ ನಾನಡಗಿರುವೆ ಫಲದೊಳಗೆ 

ಗುರುತಿಸಿ ಹೇಳಬಲ್ಲಿರೇ ಜಾಣ ಜಾಣೆಯರು ನಮ್ಮವರನ್ನು?

  

3. ಶತ್ರುವಿನ ಶತ್ರು ಮಿತ್ರನೆಂಬ ತಂತ್ರದ ಫಲ ನಾನು

ಜೀವಿಗಳ ಜೀವರಾಸಾಯನಿಕ ಪಥವ ನಾಶಗೊಳಿಸಬಲ್ಲೆ

ನಾನೇ ಮೊದಲಲ್ಲದಿದ್ದರೂ ಜೀವಿಗಳಿಂದಲೇ ಹುಟ್ಟಿದ ಮೊದಲಿಗನೆ ನಾ

ಜಗ ಗೆಲ್ಲ ಹೊರಟ ವೀರನ ಹೆಸರುಳ್ಳವನೇ ನನ್ನ ಆವಿಷ್ಕಾರಿ

ಓ ಜಾಣ ಜಾಣೆಯರೇ ಒಡೆಯಬಲ್ಲಿರೇ ಈ ಒಗಟನು?

 

4. ಹಲವು ಜೀವಕೋಶಗಳ ಸಮುಚ್ಚಯವಿದು.

ಜೀವ ಹೋದರೂ ಬೃಹತ್ ಜೀವಕ್ಕೆ ಆಧಾರ

ರಾಸಾಯನಿಕಗಳ ಸಂಗ್ರಹ ಜೀವ ಕಳೆದರೂ ನೀರ ಸಾಗಿಸಲು ಸಹಕಾರಿ

ಕೈಗಾರಿಕಾ ಕಚ್ಚಾವಸ್ತು ರಸವಾಗಿ ಮಾನವನ ಮೈ ಮುಚ್ಚ ಬಲ್ಲದು.

ಜಾಣ ಜಾಣೆಯರೇ ವಿವರಿಸಬಲ್ಲಿರಾ ಈ ಒಗಟ?

ರಾಮಚಂದ್ರ ಭಟ್ ಬಿ. ಜಿ 

 

1.      ಬೆಳಕಿನ ರಾಶಿಯ ಸುತ್ತ ಸುತ್ತುತ್ತಲಿವೆ

ಈ ಆರು ಗಂಡು ಮತ್ತು ಎರಡು ಹೆಣ್ಣು ಮಕ್ಕಳು....

ದಿನ ಕಳೆದು ವರ್ಷಗಳುರುಳಿದರೂ  ಹಾರಾಟಕ್ಕಿಲ್ಲ ವಿಶ್ರಾಂತಿ ...!

ಎಂದಿಗೂ  ಭೇಟಿಯಾಗದ ಇವು ದೂರಕೂ ಸರಿಯವು

ಬಲ್ಲಿದರು ರಟ್ಟು ಮಾಡುವಿರೆ ಈ ಗುಟ್ಟು

2.      ನಾವೇಳು ಜನ ಸ್ನೇಹಿತರು, ನಮ್ಮ ಮನೆಗಳು  ಬಲ ಭಾಗದಲ್ಲಿವೆ

ಸಾಧಾರಣವಾಗಿ ಯಾರ ಜೊತೆಗೂ  ಜಗಳವಿಲ್ಲ

ಕೊಡು-ಕೊಳ್ಳುವ ವ್ಯವಹಾರವಿಲ್ಲ

ಹಾಗಾದರೆ ಹೇಳಿವಿರೇ ನಾವು  ಯಾರು  ಎಂದು?

3.      ನನ್ನನ್ನು  ಹುರಿಯಲು ಗಾಳಿ ಬೇಕಿಲ್ಲ   ...

ಆದರೆ ನನ್ನ ಸ್ನೇಹಿತನ ಗಾಳಿ ಇಲ್ಲದೆ ಕಾಸಲಾರರು

ಯಾಕೆ ಹೀಗೆ ಮಾಡುವರೋ ಹೇಳ್ರಪ್ಪ ದಯವಿಟ್ಟು

ಗುರುತು ಸಿಕ್ಕೀತು ಹಿಡಿದರೆ ಬಿಡದೆ ಪಟ್ಟು !!

ಶ್ರೀನಿವಾಸ್. ವಿ.

ಶ್ರೀ ಶಿವಾನಂದ ಪ್ರೌಢ ಶಾಲೆ, ಸತ್ಯಮಂಗಲ. ತುಮಕೂರು.

4 comments:

  1. ಪ್ರತಿಯೊಂದು ಒಗಟು ಚೆನ್ನಾಗಿದೆ...ನಿಮ್ಮ ಈ ಅದ್ಭುತ ಬರವಣಿಗೆಗೆ ನಾನು ಫಿದ ಆಗಿರುವೆ... ಧನ್ಯವಾದಗಳು ಸಾರ್ Dr Venkatesh Babu

    ReplyDelete