ಒಗಟುಗಳು - ಶ್ರೀಮತಿ ಬಿ.ಎನ್. ರೂಪ, ಶ್ರೀಮತಿ ಚಂದ್ರಿಕಾ ಆರ್ ಬಾಯರಿ
ಪದಬಂಧ - ವಿಜಯಕುಮಾರ್ ಹೆಚ್.ಜಿ
೨೦೨೨ರ ಏಪ್ರಿಲ್ ತಿಂಗಳ ‘ಸವಿಜ್ಞಾನ’ ಸಂಚಿಕೆ ಹೊಸ ಸಂವತ್ಸರದ ಪ್ರಾರಂಭದಲ್ಲಿ ಬಿಡುಗಡೆಯಾಗುತ್ತಿದೆ. ನಮ್ಮ ಎಲ್ಲ ಓದುಗರಿಗೆ “ಶುಭಕೃತ್’ ಸಂವತ್ಸರದ ಹಾರ್ದಿಕ ಶುಭಾಶಯಗಳು. ಜೊತೆಗೆ, ಹತ್ತನೇ ತರಗತಿಯ ಅಂತಿಮ ಪರೀಕ್ಷೆಯನ್ನು ಬರೆಯುತ್ತಿರುವ ರಾಜ್ಯದ ಎಲ್ಲ ವಿದ್ಯಾರ್ಥಿಗಳಿಗೆ ‘ಸವಿಜ್ಞಾನ’ ತಂಡದ ಪರವಾಗಿ ಶುಭ ಹಾರೈಕೆಗಳು.
ಎಂದಿನAತೆ, ನಿಮ್ಮ ಆಸಕ್ತಿ ಹಾಗೂ ಸಲಹೆಗಳನ್ನು ಗಮನದಲ್ಲಿರಿಸಿಕೊಂಡು ಸಾಂದರ್ಭಿಕ ಹಾಗೂ ವೈವಿಧ್ಯಮಯ ಲೇಖನಗಳನ್ನು ಈ ಸಂಚಿಕೆ ನಿಮಗಾಗಿ ಹೊತ್ತು ತಂದಿದೆ. ವಿಜ್ಞಾನದಲ್ಲಿ ‘ಸೆರೆಪಿಂಡಿಟ’ಯ ಬಗ್ಗೆ ಈ ಹಿಂದೆ ಲೇಖನ ಬರೆದಿದ್ದ ಡಾ. ಸುಂದರರಾಮ್, ಅದರ ಮುಂದುವರೆದ ಭಾಗವಾಗಿ ಸ್ಪಲಾಂಜನಿ ಎಂಬ ವಿಜ್ಞಾನಿ ನಡೆಸಿದ ವಿಶಿಷ್ಟ ಪ್ರಯೋಗಗಳನ್ನು ಕುತೂಹಲಕಾರಿಯಾಗಿ ನಿರೂಪಿಸಿದ್ದಾರೆ. ಐಸಾಕ್ ನ್ಯೂಟನ್ ರೂಪಿಸಿದ ಚಲನೆಯ ನಿಯಮಗಳನ್ನು ಸರಳ ಉದಾಹರಣೆಗಳೊಂದಿಗೆ ಶಿಕ್ಷಕ ರೋಹಿತ್ ವಿವರಿಸಿರುವ ರೀತಿಯನ್ನು ಅವರ ಲೇಖನವನ್ನು ಓದಿಯೇ ಅನುಭವಿಸಬೇಕು. ಸುಡು ಬೇಸಿಗೆಯಲ್ಲೂ ನಿಸರ್ಗಕ್ಕೆ ತನ್ನ ಹಳದಿ ಹೂಗಳಿಂದ ಸಿಂಗರಿಸುವ ‘ಅಲ್ತಮಸ್’ ಮರವನ್ನು ಪರಿಚಯಿಸುವ ಮೂಲಕ ನಮ್ಮ ಲೇಖಕರ ಬಳಗವನ್ನು ಸೇರುತ್ತಿದ್ದಾರೆ, ಶಿಕ್ಷಕ ಶ್ರೀ ರಮೇಶ್ ಬಳ್ಳಾ ಅವರು. ವನ್ಯ ಜೀವಿ ತಜ್ಞ ಹಾಗೂ ವಿಜ್ಞಾನ ಶಿಕ್ಷಕ ಕೃಷ್ಣ ಚೈತನ್ಯ ಅವರು ಈ ಬಾರಿಯ ಲೇಖನದಲ್ಲಿ ಮರಕುಟಿಗ ಹಕ್ಕಿಗಳನ್ನು ಪರಿಚಯಿಸಿದ್ದಾರೆ. ಅಡುಗೆ ಮನೆಯಲ್ಲಿ ಕಂಡು ಬರುವ ವಿಜ್ಞಾನ-ಪ್ರೇರಿತ ನಾವೀನ್ಯತೆಯನ್ನು ತಮ್ಮ ಲೇಖನದಲ್ಲಿ ಒಬ್ಬ ಗೃಹಿಣಿಯ ನೆಲೆಯಲ್ಲಿ ವಿವರಿಸಿದ್ದಾರೆ ಶಿಕ್ಷಕಿ ಶ್ರೀಮತಿ ಹೆಚ್.ಎಸ್.ಶಾರದಾ ಅವರು. ಶ್ರೀ ಡಿ.ಎಸ. ಬಸವಾನಂದ ಪ್ರಕಾಶ್ ಅವರನ್ನು ಈ ಬಾರಿಯ ‘ಸಾಧಕ ಶಿಕ್ಷಕ’ರನ್ನಾಗಿ ಪರಿಚಯಿಸಲಾಗಿದೆ. ಜೊತೆಗೆ, ನಮ್ಮ ಖಾಯಂ ಅಂಕಣಗಳಾದ ಒಗಟುಗಳು, ವ್ಯಂಗ್ಯ ಚಿತ್ರಗಳು ಹಾಗೂ ಪದಬಂಧ ನಿಮ್ಮ ಮಿದುಳಿಗೆ ಕಸರತ್ತು ನೀಡಲಿವೆ.
ಸಂಚಿಕೆಯ ಲೇಖನಗಳನ್ನು ಓದಿ. ನಿಮ್ಮ ಅಭಿಪ್ರಾಯಗಳನ್ನು ದಾಖಲಿಸಿ. ಸಲಹೆಗಳೇನಾದರೂ ಇದ್ದರೆ, ನಮಗೆ ತಿಳಿಸಿ. ನಮ್ಮ ಪ್ರಯತ್ನ ನಿಮಗೆ ಮೆಚ್ಚುಗೆಯಾಗಿದ್ದರೆ, ನಿಮ್ಮ ಸಹೋದ್ಯೋಗಿಗಳಿಗೆ, ಹಿತೈಶಿಗಳಿಗೆ ‘ಸವಿಜ್ಞಾನ’ದ ಬಗ್ಗೆ ತಿಳಿಸಿ.
ಡಾ. ಟಿ. ಎ. ಬಾಲಕೃಷ್ಣ ಅಡಿಗ
ಪ್ರಧಾನ ಸಂಪಾದಕರು
ನಿವೃತ್ತ ಪ್ರಾಣಿಶಾಸ್ತ್ರ ಪ್ರಾಧ್ಯಾಪಕರು ಹಾಗೂ ವಿಜ್ಞಾನ ಸಂವಹನಕಾರರು
ವಿಜ್ಞಾನದಲ್ಲಿ ‘ಸೆರೆಪಿಂಡಿಟಿ’ ಯ ಮಹತ್ವವನ್ನು ತಿಳಿಸುವ ಡಾ. ಸುಂದರರಾಮ್ ಅವರ ಲೇಖನವೊಂದನ್ನು ‘ಸವಿಜ್ಞಾನ’ದ ಹಿಂದಿನ ಸಂಚಿಕೆಯೊಂದರಲ್ಲಿ ಓದಿದ್ದು ನಿಮಗೆ ನೆನಪಿರಬಹುದು. ಅದರ ಮುಂದುವರೆದ ಭಾಗವಾಗಿ, ಈ ಲೇಖನದಲ್ಲಿ ಸುಂದರರಾಮ್ ಅವರು ಸ್ಪಲಾಂಜನಿ ಎಂಬ ವಿಜ್ಞಾನಿ ಸೂಕ್ಷ್ಮಜೀವಿಗಳಲ್ಲಿ ನಡೆಸಿದ ಕುತೂಹಲಕರ ಪ್ರಯೋಗವೊಂದನ್ನು ಆಕರ್ಷಣೀಯವಾಗಿ ವಿವರಿಸಿದ್ದಾರೆ.
ರೋಹಿತ್ ವಿ ಸಾಗರ್
ಪ್ರಾಂಶುಪಾಲರು,
ಹೊಂಗಿರಣ ಸ್ವತಂತ್ರ ಪದವಿಪೂರ್ವ ಕಾಲೇಜು
ಸಾಗರ
ಖ್ಯಾತ ವಿಜ್ಞಾನಿ ಐಸಾಕ್ ನ್ಯೂಟನ್
ರೂಪಿಸಿದ,
ಭೌತಶಾಸ್ತ್ರದ ಪ್ರಮುಖ ಪರಿಕಲ್ಪನೆಗಳಲ್ಲಿ ಒಂದಾದ ಚಲನೆಯ ನಿಯಮಗಳನ್ನು ಸರಳವಾದ ಉದಾಹರಣೆಗಳೊಂದಿಗೆ ಅತ್ಯಂತ ಸೊಗಾಸಾಗಿ ಈ
ಲೇಖನದಲ್ಲಿ ವಿವರಿಸಿದ್ದಾರೆ, ಸವಿಜ್ಞಾನ ತಂಡದ
ಲೇಖಕರಾದ ರೋಹಿತ್ ಅವರು.
ಶ್ರೀಮತಿ ಹೆಚ್.ಎಸ್.ಶಾರದ
ಶಿಕ್ಷಕಿ, ಸರ್ಕಾರಿ ಪ್ರೌಢಶಾಲೆ,
ಎಂ.ಸಿ. ತಳಲು,
ಸರಗೂರು ತಾಲ್ಲೂಕು,
ಮೈಸೂರು
ನಮ್ಮ ನಿತ್ಯ ಜೀವನದ ಪ್ರತಿಯೊಂದು ಅಂಶದಲ್ಲಿ ವಿಜ್ಞಾನದ ಪ್ರಭಾವ ಎದ್ದು ಕಾಣುತ್ತದೆ. ವಿಜ್ಞಾನದ ವಿವಿಧ ಶಾಖೆಗಳಲ್ಲಿ ಆಗುತ್ತಿರುವ ಹೊಸ ಅನ್ವೇಷಣೆಗಳು ಹಾಗೂ ಸಂಶೋಧನೆಗಳು ಅನ್ವಯಗೊಂಡು ನಮ್ಮ ಜೀವನ ಶೈಲಿಯ ಅವಿಭಾಜ್ಯ ಅಂಗಳಾಗಿರುವುದನ್ನು ನಾವಿಂದು ನೋಡುತ್ತಿದ್ದೇವೆ. ಗೃಹಿಣಿಯೊಬ್ಬಳ ದಿನ ನಿತ್ಯದ ಚಟುವಟಿಕೆಯಲ್ಲಿ ಎಷ್ಟೊಂದು ಹೊಸ ಆಲೋಚನೆಗಳು ಮೂಡಿ, ಕಾರ್ಯರೂಪಕ್ಕೆ ಇಳಿದು, ‘ನಾವೀನ್ಯತೆ’ಗೆ ಎಡೆಮಾಡಿಕೊಡುತ್ತವೆ ಎಂಬುದನ್ನು ನವಿರಾಗಿ ನಿರೂಪಿಸಿದ್ದಾರೆ ಒಬ್ಬ ಕ್ರಿಯಾಶೀಲ ಶಿಕ್ಷಕಿಯಾಗಿ ಈ ಹಿಂದೆ ‘ಸವಿಜ್ಞಾನ’ದಲ್ಲಿ ಪರಿಚಯಗೊಂಡಿದ್ದ ಶ್ರೀಮತಿ ಹೆಚ್,ಎಸ್.ಶಾರದ ಅವರು.
ಡಿ. ಕೃಷ್ಣಚೈತನ್ಯ
ವಿಜ್ಞಾನ ಮಾರ್ಗದರ್ಶಕರು ಹಾಗು ವನ್ಯಜೀವಿ ತಜ್ಞರು.
ಗೋಣಿಕೊಪ್ಪಲು ಪ್ರೌಢಶಾಲೆ. ಗೋಣಿಕೊಪ್ಪಲು.
ಕೊಡಗು ಜಿಲ್ಲೆ.
ವನ್ಯಜೀವಿ ತಜ್ಞರೂ, ಶಿಕ್ಷಕರೂ ಆಗಿರುವ ಕೃಷ್ಣ ಚೈತನ್ಯ ಅವರು ಈ ಬಾರಿಯ ಲೇಖನದಲ್ಲಿ ನಮ್ಮ
ದೇಶದಲ್ಲಿ ಕಂಡುಬರುವ ಮರಕುಟಿಗ ಹಕ್ಕಿಗಳ ವಿವಿಧ ಬಗೆಗಳನ್ನು ಹಾಗೂ ಅವುಗಳ ಜೀವನ ಶೈಲಿಯನ್ನು
ಸೊಗಸಾಗಿ ನಿರೂಪಿಸಿದ್ದಾರೆ.
ರಮೇಶ.ವಿ.ಬಳ್ಳಾ
ಅಧ್ಯಾಪಕರು.
ಬಾಲಕಿಯರ ಸರ್ಕಾರಿ ಪದವಿ ಪೂರ್ವ ಕಾಲೇಜು
ಗುಳೇದಗುಡ್ಡ. ಬಾಗಲಕೋಟ ಜಿಲ್ಲೆ
ಸುಡು ಬೇಸಗೆಯಲ್ಲೂ ತಮ್ಮ ಹಳದಿ ಬಣ್ಣದ ಹೂಗಳಿಂದ ನಮ್ಮ ಗಮನ ಸೆಳೆಯುವ 'ಅಮಲ್ತಾಸ್’ ಮರಗಳು ಔಷದೀಯ ಗುಣಗಳಿಂದಾಗಿ ನಮಗೆ ಉಪಯುಕ್ತವಾಗಿವೆ. ಈ ಮರದ ಹೂವಿನ ಬಗ್ಗೆ ಒಂದು ಪರಿಚಯಾತ್ಮಕ ಲೇಖನವನ್ನು ಬರೆದವರು ‘ಸವಿಜ್ಞಾನ’ ಲೇಖಕರ ಬಳಗಕ್ಕೆ ಹೊಸದಾಗಿ ಸೇರ್ಪಡೆಯಾಗುತ್ತಿರುವ ಶಿಕ್ಷಕ ರಮೇಶ್.ವಿ ಬಳ್ಳಾ ಅವರು.
ಲಕ್ಷ್ಮಿಪ್ರಸಾದ್ ನಾಯಕ್
ಬೆಂಗಳೂರಿನ ಪ್ರತಿಷ್ಟಿತ ಬಿ.ಹೆಚ್.ಎಸ. ಶಾಲೆಯಲ್ಲಿ ಮೂರು ದಶಕಗಳಿಗೂ ಹೆಚ್ಚು
ಕಾಲ ವಿಜ್ಞಾನ ಮತ್ತು ಗಣಿತ ವಿಷಯಗಳ ಶಿಕ್ಷಕರಾಗಿ ಸೇವೆ ಸಲ್ಲಿಸಿ, ಕೊನೆಯಲ್ಲಿ ಮುಖ್ಯ ಶಿಕ್ಷಕರಾಗಿ ಇತ್ತೀಚೆಗಷ್ಟೇ ನಿವೃತ್ತರಾದ ಶ್ರೀ
ಡಿ.ಎಸ.ಬಸವಾನಂದ ಪ್ರಕಾಶ್, ನಮ್ಮ ‘ಸವಿಜ್ಞಾನ’ದ ಈ ತಿಂಗಳ
ಸಂಚಿಕೆಯಲ್ಲಿ ನಿಮಗೆ ಪರಿಚಯಿಸಲಾಗುತ್ತಿರುವ ‘ತೆರೆ ಮರೆಯ ಸಾಧಕರು’. ಬೋಧನೆಯ ಜೊತೆಗೆ
ಮಕ್ಕಳನ್ನು ಸಹಪಠ್ಯ ವಿಷಯಗಳಲ್ಲಿಯೂ ಸಿದ್ಧ ಪಡಿಸುವುದರಲ್ಲಿ ನಿಷ್ಣಾತರು. ‘ರಾಜ್ಯ ಪ್ರಶಸ್ತಿ
ವಿಜೇತ’ ಶಿಕ್ಷಕರಾದ ಶ್ರೀಯುತರು, ರಾಜ್ಯ ಸಂಪನ್ಮೂಲ
ವ್ಯಕ್ತಿಗಳಲ್ಲಿ ಒಬ್ಬರು.
1. ಮೂರು ಮತ್ತೊಂದರ ಮಧ್ಯೆ ಒಂದು ಬಿಂದು ಮತ್ತೆ
ಮುಂದುವರೆದು ನಾಲ್ಕು,ಒಂದು,ಐದು,ಒಂಭತ್ತು
ಅನಂತದವರೆಗೂ ಹರಡುವುದೇ ನನ್ನ ಗಮ್ಮತ್ತು
ನನ್ನ ಹುಟ್ಟು ಪರಿಧಿ ಮತ್ತು ವ್ಯಾಸಗಳ ಅನುಪಾತದಲ್ಲಿತ್ತು.
2. ಬಾಣಲೆಯಾಕಾರದ ಅಪಾರರ‍್ಶಕ ವಸ್ತು ನಾನು,
ಬಾಣದೊಲು ಬರುವ ಬೆಳಕಿನ ಕಿರಣಗಳ ಏಕೀಕರಿಸುವೆನು,
ಬಾಯೊಳಗಿನ ಹಲ್ಲುಗಳ ವೈದ್ಯರಿಗೆ ನಾ ಹಿರಿದಾಗಿ ತೋರುವೆನು,
ಬಾನಿಂದಿಳಿವ ಕಿರಣಗಳ ಕೇಂದ್ರೀಕರಿಸಿ ಕುಲುಮೆಯಾಗಿಸುವೆನು,
(೧೦ ನೇ ತರಗತಿಯ ವಿದ್ಯುಚ್ಛಕ್ತಿ ಮತ್ತು ವಿದ್ಯುತ್ಪ್ರವಾಹದ ಕಾಂತೀಯ ಪರಿಣಾಮಗಳು ಘಟಕಗಳಿಂದ ಆಯ್ದ ಪದಗಳು)
ಸುಳಿವುಗಳು:
ಎಡದಿಂದ ಬಲಕ್ಕೆ,
೧. ವಿದ್ಯುನ್ಮಂಡಲದಲ್ಲಿ ಅಮ್ಮೀಟರ್‌ ಅನ್ನು ಜೋಡಿಸಿಬೇಕಾದ ಕ್ರಮ. (೫)
೨. ಓಮ್‌ ನ ನಿಯಮದ ಪ್ರಕಾರ ವಿದ್ಯುನ್ಮಂಡಲದಲ್ಲಿ ಹರಿಯುವ ವಿದ್ಯುತ್ ಪ್ರವಾಹವು ಇದಕ್ಕೆ ನೇರ ಅನುಪಾತ. ( ೫)
೩. ಸಜಾತಿ ವಿದ್ಯುದಾವೇಶಗಳ ನಡುವೆ ಉಂಟಾಗುವುದು (೪)
೪. ವಾಹಕದಲ್ಲಿ ಆವೇಶಗಳ ಹರಿಯುವಿಕೆಯ ಕಾಲದ ದರ I = Q/t ( ೬)
೫. ಕಾಣದ ಕಾಂತೀಯ ಬಲರೇಖೆಗಳು ಕಾಣುವಂತೆ ಮಾಡುವ ಲೋಹವೊಂದರ ಸಣ್ಣ ಚೂರುಗಳು (೬)
೬. ವಿದ್ಯುದಾವೇಶಗಳ SI ಏಕಮಾನ (೩)
ಮೇಲಿನಿಂದ ಕೆಳಕ್ಕೆ,
೧. ಗೃಹಬಳಕೆಯ ವಿದ್ಯುನ್ಮಂಡಲದಲ್ಲಿ ವಿದ್ಯುದುಪಕರಣಗಳನ್ನು ಜೋಡಿಸುವ ಕ್ರಮ ( ೪)
೨. ವಿದ್ಯುದಾವೇಶಗಳು ಹರಿಯುವ ಆವೃತ ಪಥ (೬)
೩. ಯಾಂತ್ರಿಕ ಶಕ್ತಿಯನ್ನು ವಿದ್ಯುಚ್ಛಕ್ತಿಯನ್ನಾಗಿ ಪರಿರ‍್ತಿಸುವ ಸಾಧನ (೬)
೪. ವಿದ್ಯುದಾವೇಶಗಳನ್ನು ಹರಿಯಲು ಬಿಡುವ ವಸ್ತು (೩)
೫. ಸ್ವತಂತ್ರವಾಗಿ ತೂಗಿಬಿಟ್ಟ ಕಾಂತವು ಸದಾ ನಿಲ್ಲುವ ದಿಕ್ಕು (೬)
೬. ಉಸಿರನ್ನು ಕೆಳಗಿನಿಂದ ಮೇಲಕ್ಕೆ ತೆಗೆದುಕೊಂಡು ಪ್ರಣವ ಹೇಳಿದರೆ ಸಿಗುವುದು ರೋಧದ SI ಏಕಮಾನ (೨)
ರಚನೆ:
ವಿಜಯಕುಮಾರ್ ಹೆಚ್. ಜಿ
ಸಹಶಿಕ್ಷಕರು
ಸ.ಪ್ರೌ.ಶಾಲೆ,
ಕಾವಲ್‌ಭೈರಸಂದ್ರ,
ಬೆಂಗಳೂರು ಉತ್ತರ ವಲಯ-೦೩.
೯೭೩೯೭೬೬೮೪೦.
****
ಮಾರ್ಚ್ 2022 ಪದಬಂಧ ಸಂಚಿಕೆಯ ಉತ್ತರಗಳು
ಒಗಟುಗಳು - ಶ್ರೀಮತಿ ಬಿ.ಎನ್. ರೂಪ, ಶ್ರೀಮತಿ ಚಂದ್ರಿಕಾ ಆರ್ ಬಾಯರಿ
ಪದಬಂಧ - ವಿಜಯಕುಮಾರ್ ಹೆಚ್.ಜಿ
ವ್ಯಂಗ್ಯಚಿತ್ರ - ಶ್ರೀಮತಿ ಜಯಶ್ರೀ ಬಿ ಶರ್ಮ
ಕಳೆದ ವಾರವಷ್ಟೇ ರಾಜ್ಯದ ಹಾಗೂ ರಾಷ್ಟ್ರದ ಎಲ್ಲೆಡೆ ‘ರಾಷ್ಟ್ರೀಯ ವಿಜ್ಞಾನ ದಿನ’ ದ ಆಚರಣೆಯ ಸಂಭ್ರಮವನ್ನು ಕಂಡಿದ್ದೇವೆ. ಅದರಲ್ಲಿಯೂ ಈ ವರ್ಷ ನಮ್ಮ ಸ್ವಾತಂತ್ರೋತ್ಸವದ ಅಮೃತ ಮಹೋತ್ಸವದ ಹಿನ್ನೆಲೆಯಲ್ಲಿ ವಿಜ್ಞಾನ ದಿನದ ಆಚರಣೆಗೆ ವಿಶೇಷ ಕಳೆ ಕಟ್ಟಿದ್ದನ್ನು ಗಮನಿಸಿದ್ದೇವೆ. ‘ವಿಜ್ಞಾನಮ್ ಸರ್ವತ್ರ ಪೂಜ್ಯತೆ” ಎಂಬ ಘೋಷ ವಾಕ್ಯದ ಹಿನ್ನೆಲೆಯಲ್ಲಿ ರಾಷ್ಟ್ರದಾದ್ಯಂತ ಗುರುತಿಸಲಾದ 75 ಕೇಂದ್ರಗಳಲ್ಲಿ ವಿಜ್ಞಾನಕ್ಕೆ ಸಂಬಂಧಿಸಿದಂತೆ ನಾನಾ ರೀತಿಯ ಸ್ಪರ್ಧೆಗಳು, ಪ್ರವಚನಗಳು, ಪ್ರದರ್ಶನಗಳು ಹಾಗೂ ಸಂವಾದಗಳನ್ನು ನಡೆಸಲಾಗಿತ್ತು. ಕಳೆದ ತಿಂಗಳ ಕೊನೆಯ ವಾರ ಪೂರ್ತಿ, ಇಡೀ ದೇಶದಲ್ಲಿ ವಿಜ್ಞಾನದ ಹಬ್ಬದ ವಾತಾವರಣವಿತ್ತು. ರಾಜ್ಯದ ಎಲ್ಲ ಶಾಲೆಗಳಲ್ಲಿ ಶಿಕ್ಷಕರು ‘ರಾಷ್ಟ್ರೀಯ ವಿಜ್ಞಾನ ದಿನ’ವನ್ನು ತಮ್ಮ, ತಮ್ಮ ನೆಲೆಯಲ್ಲಿ ಆಚರಿಸಿ, ವಿದ್ಯಾರ್ಥಿಗಳಲ್ಲಿ ವಿಜ್ಞಾನದ ಬಗ್ಗೆ ಆಸಕ್ತಿ ಹೆಚ್ಚಿಸುವ ಕೈಂಕರ್ಯದಲ್ಲಿ ತೊಡಗಿಸಿಕೊಂಡಿರುವುದು ಅಭಿನಂದನೀಯ.
2022ರ ಮಾರ್ಚ್ ತಿಂಗಳ ‘ಸವಿಜ್ಞಾನ’ ಸಂಚಿಕೆ ಈ ಸಡಗರದ ಮಧ್ಯೆ ಪ್ರಕಟವಾಗುತ್ತಿದೆ. ನಿಮ್ಮ ಆಸಕ್ತಿ ಹಾಗೂ ಸಲಹೆಗಳನ್ನು ಗಮನದಲ್ಲಿರಿಸಿಕೊಂಡು ಸಾಂದರ್ಭಿಕ ಹಾಗೂ ವೈವಿಧ್ಯಮಯ ಲೇಖನಗಳನ್ನು ನಿಮಗಾಗಿ ಹೊತ್ತು ತಂದಿದೆ. ಖ್ಯಾತ ಭೌತ ವಿಜ್ಞಾನಿ ಆಲ್ಬರ್ಟ್ ಐನ್‍ಸ್ಟೈನ್ ಅವರ ಜನ್ಮದಿನದ ಸಂದರ್ಭದಲ್ಲಿ ಅವರ ಬಗ್ಗೆ ರಾಮಚಂದ್ರ ಭಟ್ ಬರೆದ ಲೇಖನವಿದೆ. ಹಾಗೆಯೇ ಇಂದು ಸಾರಿಗೆ ವ್ಯವಸ್ಥೆಯ ಅವಿಭಾಜ್ಯ ಅಂಗವಾಗಿರುವ ಡೀಸಲ್ ಇಂಜಿನ್‍ಗಳ ಆವಿಷ್ಕಾರ ಮಾಡಿದ ವಿಜ್ಞಾನಿ ಡೀಸಲ್ ಅವರ ಜನ್ಮದಿನದ ಸ್ಮರಣೆಯಲ್ಲಿ ಅವರ ಬಗ್ಗೆ ನಿವೃತ್ತ ಮುಖ್ಯ ಶಿಕ್ಷಕ ಸುರೇಶ್ ಬರೆದಿರುವ ಲೇಖನವಿದೆ. ವಿಶ್ವ ಅರಣ್ಯ ದಿನದ ಸಂದರ್ಭಕ್ಕೆಂದು ಶಿಕ್ಷಕ ಹಾಗೂ ವನ್ಯ ಜೀವಿ ತಜ್ಞ ಕೃಷ್ಣ ಚೈತನ್ಯ ಬರೆದಿರುವ ‘ಕಾಡಿನ ಸಂರಕ್ಷಣೆಯ ಹೊಣೆ ಯಾರ ಕೈಯಲ್ಲಿದೆ?’ ಎಂಬ ವಿಚಾರ ಪ್ರಚೋದಕ ಲೇಖನವಿದೆ. ನಮ್ಮ ನಿತ್ಯ ಜೀವನದಲ್ಲಿ ಕೇಳುವ ಬಗೆ ಬಗೆಯ ಶಬ್ಧಗಳ ಹಿಂದಿರುವ ವಿಜ್ಞಾನವನ್ನು ಕುತೂಹಲಕಾರಿಯಾಗಿ ವಿವರಿಸುವ ಲೇಖನವೊಂದನ್ನು ಭೌತ ವಿಜ್ಞಾನ ಉಪನ್ಯಾಸಕ ರೋಹಿತ್ ಬರೆದಿದ್ದಾರೆ. ಬೊಂಬೆಗಳನ್ನು ಬಳಸಿ ವಿಜ್ಞಾನ ಬೋಧಿಸುವ ಶಿಕ್ಷಕ ಸಿದ್ದು ಬಿರಾದಾರ್ ತಮ್ಮ ಸರಣಿ ಲೇಖನದಲ್ಲಿ ಈ ಬಾರಿ ಕಿರೀಟ ಗೊಂಬೆಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ಕಲ್ಯಾಣ ಕರ್ನಾಟಕದಲ್ಲಿ ಮನೆ ಮಾತಾಗಿರುವ ವಿಜ್ಞಾನ ಶಿಕ್ಷಕ ಡಾ.ಶಶಿಧರ್ ಕುಂಬಾರ್ ಅವರನ್ನು ಈ ಬಾರಿಯ ‘ಸಾಧಕ ಶಿಕ್ಷಕ’ರನ್ನಾಗಿ ಪರಿಚಯಿಸಲಾಗಿದೆ. ಜೊತೆಗೆ, ನಮ್ಮ ಖಾಯಂ ಅಂಕಣಗಳಾದ ಒಗಟುಗಳು, ವ್ಯಂಗ್ಯ ಚಿತ್ರಗಳು ಹಾಗೂ ಪದಬಂಧ ನಿಮ್ಮ ಮಿದುಳಿಗೆ ಕಸರತ್ತು ನೀಡಲಿವೆ.
ಇನ್ನೇಕೆ ತಡ? ಸಂಚಿಕೆಯ ಲೇಖನಗಳನ್ನು ಓದಿ. ನಿಮ್ಮ ಅಭಿಪ್ರಾಯಗಳನ್ನು ದಾಖಲಿಸಿ. ಸಲಹೆಗಳೇನಾದರೂ ಇದ್ದರೆ, ನಮಗೆ ತಿಳಿಸಿ. ನಮ್ಮ ಪ್ರಯತ್ನ ನಿಮಗೆ ಮೆಚ್ಚುಗೆಯಾಗಿದ್ದರೆ, ನಿಮ್ಮ ಸಹೋದ್ಯೋಗಿಗಳಿಗೆ, ಹಿತೈಶಿಗಳಿಗೆ ‘ಸವಿಜ್ಞಾನ’ದ ಬಗ್ಗೆ ತಿಳಿಸಿ.
ಡಾ. ಟಿ. ಎ. ಬಾಲಕೃಷ್ಣ ಅಡಿಗ
ಪ್ರಧಾನ ಸಂಪಾದಕರು
ಖುಶಿ ಕೊಡುವ ಕೊನೆಯ ಬೆಲ್ ಇಂದ ಪ್ರಾರಂಭಿಸಿ ವಿವಿಧೆಡೆ, ವಿವಿಧ ಸಂದರ್ಭಗಳಲ್ಲಿ ನಮಗೆ ಕೇಳಿಸುವ ವಿವಿಧ ಬಗೆಯ ಶಬ್ದಗಳ ಹಿಂದಿರುವ ವಿಜ್ಞಾನವನ್ನು ಸರಳವಾಗಿ, ಸೊಗಸಾಗಿ ವಿವರಿಸುವ ಈ ಲೇಖನವನ್ನು ಬರೆದವರು 'ಸವಿಜ್ಞಾನ' ತಂಡದ ಸಂಪಾದಕರೂ, ವೃತ್ತಿಯಿಂದ ಭೌತಶಾಸ್ತ್ರದ ಉಪನ್ಯಾಸಕರೂ ಆದ ರೋಹಿತ್ ಸಾಗರ್ ಅವರು.
ಲೇಖನ: ಕೆ. ಸುರೇಶ
ನಂದಾಶ್ರೀ ಬಳಿ,
ಕಾಲೇಜು ರಸ್ತೆ,
ಹೊಸಕೋಟೆ
ಇಂದು ಸಾರಿಗೆ ವ್ಯವಸ್ಥೆಯ ಅವಿಭಾಜ್ಯ ಅಂಗವಾಗಿರುವ ವಾಹನಗಳಲ್ಲಿ ಬಳಸುವ ಇಂಜಿನ್ನಿನ ಅನ್ವೇಷಣೆಯ ಹಿಂದೆ ಅಡಗಿರುವ ಡೀಸೆಲ್ ಎಂಬ ವಿಜ್ಞಾನಿಯ ಪರಿಶ್ರಮದ ಕಥೆಯನ್ನು ಈ ಲೇಕನದಲ್ಲಿ ನವಿರಾಗಿ ನಿರೂಪಿಸಿದ್ದಾರೆ, ನಿವೃತ್ತ ವಿಜ್ಞಾನ ಶಿಕ್ಷಕ ಸುರೇಶ್ ಅವರು.
ವಿಜ್ಞಾನ ಶಿಕ್ಷಕರು
ಸರ್ಕಾರಿ ಪ್ರೌಢಶಾಲೆ, ಬ್ಯಾಟರಾಯನಪುರ,
ಮೈಸೂರು ರಸ್ತೆ, ಬೆಂಗಳೂರು
ಜಗತ್ತು ಕಂಡ ಅತ್ಯಂತ ಮೇಧಾವಿ ವಿಜ್ಞಾನಿಗಳಲ್ಲಿ ಒಬ್ಬರು, ಸಾಪೇಕ್ಷ ಸಿದ್ಧಾಂತದ ರೂವಾರಿ, ಆಲ್ಬರ್ಟ್ ಐನ್ ಸ್ಟೀನ್. ಅವರ ಜನ್ಮದಿನದ ಸ್ಮರಣೆಯಲ್ಲಿ ಅವರ ವ್ಯಕ್ತಿತ್ವದ ಪರಿಚಯವನ್ನು ಸುಂದರವಾಗಿ ಕಟ್ಟಿಕೊಡುವ ಪ್ರಯತ್ನ ಮಾಡಿದ್ದಾರೆ, ಶಿಕ್ಷಕ ರಾಮಚಂದ್ರ ಭಟ್.
ವಿಜ್ಞಾನ ಮಾರ್ಗದರ್ಶಕರು ಹಾಗು ವನ್ಯಜೀವಿ ತಜ್ಞರು.
ಗೋಣಿಕೊಪ್ಪಲು ಪ್ರೌಢಶಾಲೆ. ಗೋಣಿಕೊಪ್ಪಲು.
ಕೊಡಗು ಜಿಲ್ಲೆ.
ವನ್ಯಜೀವಿ ತಜ್ಞರಾದ ಶಿಕ್ಷಕ ಕೃಷ್ಣ ಚೈತನ್ಯ ಅವರ ಸರಣಿ ಲೇಖನಗಳನ್ನು ‘ಸವಿಜ್ಞಾನ’ದಲ್ಲಿ ನೀವೆಲ್ಲರೂ ಓದಿ ಬಹುವಾಗಿ ಮೆಚ್ಚಿಕೊಂಡಿದ್ದೀರಿ. ಕಳೆದ ಬಾರಿ ಹುಲಿಗಳ ಜೀವನ ಕ್ರಮದ ಪರಿಚಯವನ್ನು ಸೊಗಸಾಗಿ ಮಾಡಿಕೊಟ್ಟಿದ್ದ ಕೃಷ್ಣ ಚೈತನ್ಯ ಅವರು, ಈ ಬಾರಿಯ ಮಾಹಿತಿಪೂರ್ಣ ಮತ್ತು ಚಿಂತನೆಗೆ ಒರೆ ಹಚ್ಚುವ ಲೇಖನದಲ್ಲಿ ಕಾಡಿನ ಸಂರಕ್ಷಣೆಯ ಅಗತ್ಯತೆ ಹಾಗೂ ಮಾರ್ಗಗಳ ಬಗ್ಗೆ ಬೆಳಕು ಚೆಲ್ಲಿದ್ದಾರೆ.
ಲೇಖನ: ಸಿದ್ದು ಬಿರಾದಾರ,
ವಿಜ್ಞಾನ ಶಿಕ್ಷಕ
ಸರಕಾರಿ ಪ್ರೌಢ ಶಾಲೆ ಚಿಬ್ಬಲಗೇರಿ
ತಾ: ಹಳಿಯಾಳ, ಶಿರಸಿ ಶೈಕ್ಷಣಿಕ ಜಿಲ್ಲೆ, ಉತ್ತರ ಕನ್ನಡ
ಗೊಂಬೆಗಳನ್ನು ವಿಜ್ಞಾನ ಬೋಧನೆಯಲ್ಲಿ ಪರಿಣಾಮಕಾರಿಯಾಗಿ ಹೇಗೆ ಬಳಸಿಕೊಳ್ಳಬಹುದು ಎಂಬುದನ್ನು ತಮ್ಮ ಸರಣಿ ಲೇಖನಗಳ ಮೂಲಕ ನಿರೂಪಿಸುತ್ತಿರುವ ಶಿಕ್ಷಕ ಸಿದ್ದು ಬಿರಾದಾರ್ ಈ ಬಾರಿ ಕಿರೀಟ ಗೊಂಬೆಗಳನ್ನು ತಯಾರಿಸಿ ಬೋಧನೆಯಲ್ಲಿ ಬಳಸಿಕೊಳ್ಳುವ ಬಗ್ಗೆ ಪ್ರಸ್ತುತ ಪಡಿಸಿದ್ದಾರೆ.
ಲೇಖನ: ರಾಮಚಂದ್ರ ಭಟ್ ಬಿ.ಜಿ.
ಶಿಕ್ಷಣ ಕ್ಷೇತ್ರದಲ್ಲಿ ಹಲವು ವರ್ಷಗಳಿಂದ ತಮ್ಮನ್ನು ತಾವು ತೊಡಗಿಸಿಕೊಂಡಿರುವ ಶಿಕ್ಷಕ ಡಾ.ಶಶಿಧರ ಕುಂಬಾರ ಅವರನ್ನು ಈ ತಿಂಗಳ ‘ಸಾಧಕ ಶಿಕ್ಷಕ’ರನ್ನಾಗಿ ನಮ್ಮ ಓದುಗರಿಗೆ ಪರಿಚಯ ಮಾಡಿಸಲು ‘ಸವಿಜ್ಞಾನ’ ತಂಡ ಹರ್ಷಿಸುತ್ತದೆ.
ಒಗಟುಗಳು - ಮಾರ್ಚ್ 2022
ನಾನು ಒಂದು ಸಾಧನ
ವಿವಿಧ ಮಂಡಲಗಳಲ್ಲಿ ಬಳಸಲ್ಪಡುತ್ತೇನೆ
ನಾನು ಒಂದು ಮಂಡಲದಲ್ಲಿ ವಿದ್ಯುತ್ ಪ್ರವಾಹದ ದಿಕ್ಕನ್ನು ಹಿಮ್ಮುಖಗೊಳಿಸುತ್ತೇನೆ.
ಹಾಗಿದ್ದಲ್ಲಿ ನಾನು ಯಾರು ?
ವಿದ್ಯುತ್ ಶಕ್ತಿ ನಿನ್ನ ಲೀಲೆ ಅಪಾರ,
ನಿನ್ನಿಂದ ನಮ್ಮ ಜೀವನ ಸುಲಲಿತ,
ಆಧುನಿಕ ಜೀವನದ ಒಂದು ಅವಿಭಾಜ್ಯ ಅಂಗ ನೀ
ಅತ್ಯಲ್ಪ ಪ್ರವಾಹದ ಉಪಸ್ಥಿತಿಯನ್ನು ಕಂಡುಹಿಡಿಯುವ ಸಾಧನದ ಹೆಸರನ್ನು ಹೇಳಬಲ್ಲಿರಾ ?
ಕತ್ತಲನ್ನು ಓಡಿಸುವ ಬೆಳಕು
ನಮ್ಮ ಜೀವನವನ್ನು ವರ್ಣರಂಜಿತವಾಗಿರುತ್ತದೆ.
ಬೆಳಕಿನ ವಿದ್ಯಮಾನಗಳು ಆಪಾರ
ಕೆರೆ ತಳಭಾಗದಲ್ಲಿ ಕಲ್ಲು ಮೇಲೆ ಬಂದಂತೆ
ಕಾಣುವ ನನ್ನ ವಿದ್ಯಮಾನದ ಹೆಸರೇನು ?
ಸುಮಂಗಲಿಯರ ದೈತಲೆಯಲ್ಲಿ ರಾರಾಜಿಸುವ ಕುಂಕುಮ ನಾನು
ಅಪಾಯದ ಸಂಕೇತವನ್ನು ಬಿಂಬಿಸುತ್ತೇನೆ
ನನ್ನನ್ನು ಆಂಬುಲೆನ್ಸ್ ಮೇಲೆ ಇಟ್ಟಿರುತ್ತಾರೆ.
ಸಂಚಾರಿ ನಿಯಂತ್ರಣ ದೀಪಗಳಲ್ಲಿ ನನ್ನದೇ ದರ್ಬಾರು
ನನ್ನ ಬಣ್ಣದ ಬಳಕೆಗೆ ಕಾರಣ ಹೇಳಬಲ್ಲಿರಾ ?
ಇಡೀ ಬ್ರಹ್ಮಾಂಡದಲ್ಲಿ ಸಕಲ ಜೀವರಾಶಿಯನ್ನು ಹೊಂದಿರುವ ನಾನು,
ಹಲವಾರು ವೈಶಿಷ್ಟ್ಯತೆಗಳನ್ನು ಒಳಗೊಂಡಿರುವ ಅಗರ
ನನ್ನ ಒಡಲಿನಲ್ಲಿ ಒಂದು ವಿಶಿಷ್ಟ ಅಸಂಪ್ರದಾಯಕ ಶಕ್ತಿಯನ್ನು ಹೊಂದಿರುವ
ಹಾಗಾದರೆ ನನ್ನ ಹೆಸರೇನು?
ಶ್ರೀಮತಿ ಬಿ.ಎನ್. ರೂಪ
ಸಹಶಿಕ್ಷಕರು,
ಸರ್ಕಾರಿ ಉರ್ದು ಮತ್ತು ಆಂಗ್ಲ ಪ್ರೌಢ ಶಾಲೆ ಗೋರಿಪಾಳ್ಯ,
ಬೆಂಗಳೂರು ದಕ್ಷಿಣ ವಲಯ 2
ಗಿಡವಿದು ನೋಡಲು ಆಕರ್ಷಕ
ಅವರ ನಿಜವಾಗಲೂ ನಯವಂಚಕ
ಹತ್ತಿರ ಬರುವ ಹುಳಗಳ ನುಂಗುವುದು
ಹಾಗಾದರೆ ಯಾವ ಗಿಡ ಇದು ?
ನನ್ನ ಬಣ್ಣ ಕೆಂಪು.
ನಾನು ಮುಟ್ಟಿದ್ದೆಲ್ಲಾ ಕಪ್ಪು
ಗುಂಡಗಿರುವೆ ಚೆಂಡಲ್ಲ
ಮೇಲೆ ಹಾರುವ ಪಕ್ಷಿಯಲ್ಲ
ಅನಿಲವೇ ನನ್ನ ಆಹಾರ
ಹಾಗಾದರೇ ನಾನ್ಯಾರು?
ಹಿಮ ಪ್ರದೇಶಗಳಲ್ಲಿ ವಾಸಿಸುವೆ
ದಪ್ಪ ಚರ್ಮದ ಕರಡಿ ನಾನು
ಚಳಿಗಾಲದಲ್ಲಿ ನಿದ್ರೆ ಮಾಡುವೆ
ಹಾಗದರೆ ಯಾರು ನಾನು ?
ನಾನು ಕಣ್ಣಿಗೆ ಕಾಣಲಾರೆ
ನಾನಿಲ್ಲದೇ ನೀನು ಬದುಕಲಾರೆ
ನಾನು ಅನಿಲಗಳ ಮಿಶ್ರಣ
ಹಾಗಾದರೆ ನಾನು ಯಾರಣ್ಣ ?
ಪ್ರಪಂಚದಲ್ಲಿಯೇ ಅತ್ಯಂತ ಚಿಕ್ಕ ಪಕ್ಷಿ ನಾನು
ಹಿಮ್ಮುಖವಾಗಿ ಹಾರಬಲ್ಲೆನು
ಹಾಗಾದರೆ ನಾನು ಯಾರು ?
ಕೆಂಪಂಗಿ ರಾಮಣ್ಣ
ನೆಲದೊಳಗೆ ಇರ್ತಾನೆ
ಕಣ್ಣಿಗೆ ತಂಪ ನೀಡುವನು
ತಿನ್ನಲು ಬಲು ಸಿಹಿ ಇವನು
ಹಾಗಾದರೆ ಯಾರಿವನು ?
ಕಿರೀಟವಿದೆ ರಾಜನಲ್ಲ
ಮುಳ್ಳಿದೆ ಗುಲಾಬಿಯಲ್ಲ
ಹುಳಿಯಿದೆ ನಿಂಬೆಯಲ್ಲ
ಇದರ ರುಚಿ ತಿಂದವನೇ ಬಲ್ಲ
ಶ್ರೀಮತಿ ಚಂದ್ರಿಕಾ ಆರ್ ಬಾಯರಿ
ಸಹಶಿಕ್ಷಕರು
ಆನೇಕಲ್ ತಾಲ್ಲೂಕು
ಬೆಂಗಳೂರು
